Bangkok 2017 Day 5

Day 5 (18 Aug) Safari World!!!

門口會有Show Schedule
當日 Show Schedule

前一晚插曲:

Safari World 有兩part, 外圈是駕車參觀的野生動物園, 內圍是人行的動物園, 主要看表演.
但如下雨, 野生動物不會出來, 表演也會取消(因都是室外的).
前一晚親戚們說天氣報告話6成會落雨, 而Bangkok的雨一落就是好勁(落狗X個種), 所以都已預料去不了, 也想好去playhouse… 的plan B.

這算是是今次旅行(planning)的壓軸節目, 但去到第5日大人們都好攰, 落雨去不成也是天意, 返正都去了動物園 (Dusit Zoo), 唞吓都唔錯(心中暗yeah!).

…………………………………………
誰不知一早7點親戚就拍門說今日好天準備出發, 說實話我一坐起身個吓是有少少失落(因為又要作戰,無得唞). 不過好彩去咗, 因為個scale比想像中大很多. 重點是老闆很受樂! (入場約HK$250/人).

首先是駕車遊外圈, 非常非常近距離, 我都是第一次這麼近看動物.
可能天氣好(同非洲一樣熱?), 動物們也好精神四圍走, 又多. 大約1小時內完成.

相比多年前去台灣野生動物園, 動物們都在ZZZzzz, 加上是坐旅遊巴近極有限.
P.S. 我無去過長隆, 所以不能比較. (planning 中).

之後就泊車入內圍動物園睇表演, 所以如想睇多幾場要早一點去到.
可能這天較熱同之前也去過動物園, 表演是好看但不是很吸引.

高潮是去餵長項鹿, 我們一共餵了有10桶 (其實可以一直餵, 但到了下午也好攰).
100B (HK$25桶), 主子開心便可以了.

2017-08-18 14.31.39-1.jpg

園內不讓帶食物同水(相信是怕自行餵動物, 也鼓勵園內消費). 但不用擔心, 好多地方賣水, 有Food Court, Cafe, 不同價位也有. 

Safari World vs. Dusit Zoo… hummmm

其實不太能直接比較, 因一個是野生動物園, 一個是動物園, 好像是拿長隆同荔園比.

Dusit Zoo 是本地人為多, 個人覺得物種返而較多元化, 麻雀雖小五臟俱全, 但只有海豹表演.

Safari World 以外地遊客為主, 主打非洲野生動物及表演, 排場, 規模及動物數量大得多, 但是當天表演場次的場地都是東西東西的, 整天同一條路行了好幾回有少少悶, 以野生動物園, 動物表演及餵長項鹿為賣點.

實在很難話那個較好.
如只得一日或第一次去, 我會選Safari World, 主要是外圈野生動物園(但要開車或包車), 再入去餵長項鹿及按喜好看表演.
但如果跟小朋友去, 主要是消閒, Dusit Zoo 會很好, 因為近市區也不同包車, 當是公園慢遊一圈好舒服.

廣告

Bangkok 2017 Day 4

Day 4 (17 Aug) 跟親戚們一起去 Sea Life 及不停在吃

中午先去了Kouen Sushi Bar, 是一家精緻風日本放題(相機也會食得很開心), 他們說是整個Bangkok最好食的一家 (約HK$250/ 位).

可惜小朋友很難坐得耐, 加上食開屋邨口味日本O野, 食了個蛋, 燒三文魚+幾粒魚子就完成.
大人都唔夠時間慢慢食好好品嚐 ><

其實這幾年泰國人都愛食日韓風, 非常多日本餐廳.

之後去了 Sea Life 海洋世界. 玩了2-3個鍾比想像中細, 可能因為好多物種香港(Ocean Park)都有, 所以不是非去不可, 但主子依然興奮.

跟住去了IHOP Paragon 食左好味 fluffy pancake :D…. 年輕泰國人都好像偏好外來口味 (=我後生都唔食飯 haha)
(P.S. 下次一定要去食After You Durian)

2017-08-17 17.21.58.jpg
晚上到親戚家住及食泰國菜, 預備(地理上)明天去 Safari World!!!

Bangkok 2017 Day 3

Day 3 (16 Aug) Dusit Zoo + Asiatique

帶小朋友, 就要記著是跟主子去玩, 不可能是飲飲食食Relex個種… 只能活在當下 (a.k.a. 接受現實") XD

Dusit Zoo 近市區(經過唐人街)是前泰皇私人花園, 及後開放給國人.

這是plan行程時無意中在Google Map見到, 原來親戚也有帶小孩來在玩. 相當有歷史, 而規劃及管理也很好. 但一定不能跟最新最大的動物園相比, 以一個公園的心態會十分有驚喜.

當日是平日, 外地遊客一隻手都數完, 本地的以小學生(學校旅行)為主.
入面有平民價Food Court, 也有7-11.

可以玩到一朝!

海陸空: 老虎, 獅子, 大象, 長頸鹿, 熊, 蛇, 鳥, 魚, 企鵝, 樹熊, 海豹…

Seal Show 硬件一般(個埸始終是比較舊), 但內容編排非常有心思同出色! 完全答夠!

2017-08-16 12.35.15
專心~~~

去泰國之前見好多景點的review, 都有人不滿外國人及泰國人的入場費差很多.
就以Dusit Zoo為例, 個Seal Show真的有倍差, 但我地都是HK$25-30/ 位… 相信一般去得旅行都會負擔得起. 再者這是國皇地方, 平(或免費)比國人都合理.

當晚超大雨, 但都去了Asiatique, 不過無上Ferris Wheel (因怕打雷或有事故 – 都是同小朋友一起的擔心…)
食了Mango Tango, 也買了很多百力支(Mango, Banana Chocolate flavor), Kelvin 哥said 滿意.

2017-08-16 22.40.47

去旅行玩到心散 – Bangkok 2017 Day 1 & 2

又好一排無寫嘢. 今年暑假可謂去旅行玩到心散. 因Kelvin哥第一次出國+超額完成, 實在priceless!
記錄一下這個無 Naraya, 無 BigC (去左 Tesco)的6日5夜Bangkok 城市之旅.

Day 1 (14 Aug) 基本上就是由坐飛機, check-in hotel同食飯.

中午機去到已下午4點, 再出到市區酒店5點幾.

機場出了7日4G電話Data咭(299B AIS – 只是見這間人多買, 好幾間都是這個價)
Holiday Inn Express Bangkok Sathorn – 包早, OK新淨, 近BTS Chong Nonsi. 只是房間細, 但都對得起$500/ 晚.

親戚帶我地去食泰國菜 Prai Raya, 說是傳統的口味在Phuket很有名的分店. 真的不是他們點, 我們很可能都是食木瓜沙律, 雞飯同Tom Yum (好似老外在中國都要食糖醋排骨一樣 XD)

Day 2 (15 Aug) 去了大皇宮, 中午返酒店charge電, 晚上去了Tesco"入貨".

夏天加上帶小孩建議不要坐船, 因為浪大又急+無冷氣. (坐船到瑪頭先買ticket, 因為有分tourist(船靚DD) 同local船一樣無冷氣, 分別只在於$$)

之後原路返到瑪頭, 大家熱了一個上午已非常疲累, Google Map 附近有間 Robinson (=Bangkok Sogo, Sincere), 是旦食個 Food Court 都是個幾味 XD

之後去了樓下個間 Swenses – 其實一入Robinson已見到門口大大個紙牌是令: 榴槤(!!!), 山竹(!!!), 椰子… 就同Kelvin哥講食完飯(食得好)就去食, 但完全無期望 (是為都是"阿波羅" 咁上下).
Kelvin哥當然好上心, 就叫了這3球… 不 得 了!!! 實在太太太好味la!!!

2017-08-15 14.27.54.jpg

打後返酒店charge電, 晚上去了Tesco"入貨".

BTS On Nut 連著間 Tesco Lotus, 是遠少少但相對地都是local人為主 (非常少遊客)

Food Court非常正, Kelvin哥對個Durain King donut dinner 非常滿意!
(因為2-3點先食lunch, 去旅行無所謂)

條條大路通羅馬

話說10年前去意大行出差, 因剛好接著復活節假期, 有幸可 stay behind 5-6日, 由 Venice 起步, 之後 Florence 最後 Rome 走人.

到步後聽人說 Siena 好靚, 就決定一看, 因火車到不了要再轉巴土, 前一天就打聽好大巴, 一大早由 Florence 火車站附近出發, 約一個鍾車程, 當年遊客不算多, 商業味不重, 非常好行的中古城鎮. (2009年再去已人頭湧湧.可惜…)

更發現原來很多電影都有在這取景, 包括睇了N 次的  Under the Tuscan Sun,  完全200%超出期望! (Twilight 個時未拍 ^^")

回程時見有巴土寫了 “Stazione" (火車站), 一心以為是回 Florence 或是就近火車站便上了車, 當年巴士無人查票, 就當免費巴坐(近年已不行,基本上都會查).

但坐了有15-20分鍾都無停站, 而是一直走高速, 加上一路個個路牌都是指向 Rome 方向, 是否因而有了 “All road leads to Rome" 的說法?

開始感得唔對路, 當年除了未有 Airbnb (有hostal.com), 也無 Google Map(有電話薄厚的連地圖guide book). 眼見成車都是 local 人也有不少上了年紀… 不要寄望會英文, 見車尾坐了位最後生的, 也經過一輪指手畫腳都是不知道要去哪, 只說最後會去 “Stazione", 也快到, 都好不是真的要開到Rome.

全程車可能有1個小時, 但因超緊張好似坐了成個世紀.

最後停在一個很舊很細的火車站, 也買到火車票回 Florence 的 B&B, 非常有驚無險完成當日行程.

總覺得無計劃亦無任何期望的行程才是最好玩! 反正 All road leads to Rome 😉