濕疹路 Part 5

Part 1
Part 2
Part 3
Part 4

轉眼已是1年有多, Kelvin哥剛好4歲半.

續 Part 4, 即前年2016年10月(3歲生日)打完流感針到2017農曆年都勉強OK, 時不時有鼻水, 但都總算頂得住.

就是2017農曆年後春夏之間一共入了3次醫院, 都是因為傷風感冒引發的"氣管敏感", 公家醫院唔同醫生睇, 說法也不一, 有說是氣管敏感, 有說是哮喘…

頭兩次入去都是用一般氣管擴張劑(藍色) + 類固醇(啡色), 出了院幾日就可以停.
都有買個小熊吸藥輔助器.

到第三次入去時發作好急, 要入"私家"房, 因為要用霧化機吸藥.
出院後要長期用類固醇(啡色), 頭幾個月早晚, 覆診後減到一日一次.

小朋友入院, 除了擔心, 爸爸就最甘因為要"伴瞓".

一直出出入入, 期間返學(K1下學期)一直做口罩人…

K1暑假後開始非常努力運動, 夏天去游(玩)水, 冬天單車(未到4歲就不用輔助輪).
基本上1-5日日都有運動(最少都有3/4日), 六或日加強版!

18年農曆年期間覆診, 醫生說可停, 但我們自己提出保障D過了個春天先, 下次6月覆診應會完全停藥.

現在一年之後的春夏, K2也只餘2個多月的時間, 未有請過一日病假 (touch wood).
就是2018年農曆年的乙型流感, 同班同組(枱)有兩個同學中左(1個坐旁邊, 1個坐對面)都大步檻過.

所以證實運動最重要!!!

2018年6月覆診之後再UPDATE, 希望將會是最後一篇.

廣告

Kelvin哥公醫日記 | 3料BB卸任篇

IMG_20151122_103434
父子X婚紗pose XD 11月底 (2歲+1個月) @ 火車博物館

上回Kelvin哥剛"榮升"3料B: 心臟科 + 兒科 + 骨科

“回家度假"之後個日一早返骨科報到, 等左成個早上, 醫先話要做個架固定, 但因為公眾假期又要等聽日先安排到. 所以就用醫生膠紙包著腳指公同第2隻腳指固定, 是日又"回家度假"

點知聽日再去話如果用個架會著唔到鞋, 因為太細個怕好難得路, 所以只用醫生膠紙固定… 自始每日沖完涼涼就要整整, 包腳仔

終於2星期後覆診再影相(X-ray), 以為好返, 醫生話仲要多少少時間(即時個心一沈…), 話盡量行少d同唔好跑 (BB點停…)
所以又要再去… 好彩洗左少少苦肉計Book 到同一日覆診11月19日兒科+骨科, 唔使去兩次

10月底兩歲生日前, 要心臟ultrasound, certified 無事收工 YEAH! 其實都是意料之內, 但當醫生照完講result 之前一秒, 我突然個心有少少驚, 如果… 好彩無事

因為回想Kelvin哥幾個月驗血時聽到有雜音個日, 有個BB早我地一日去驗血又聽到有雜音, 但比較嚴重要留院, 所以我去個日佢已安排ultrasound.
入去照之前, 個媽媽話都好擔心, 但上網好多人都話小事, 仲安慰我唔使擔心 (因為醫生話Kelvin哥好輕微).
但照完出來個媽媽好似豬頭咁… 醫生話要即時簽紙做手術, 我聽到即時都喊左, 不是擔心Kelvin哥, 咁細個豆丁要開刀做手術… 好心痛

又fast forward 返11月19日兒科+骨科, 其實我都覺得兒科唔會再睇佢, 因為白白淨淨, 返而其他覆診的BB就紅卜卜好似Kelvin哥1年前咁.
骨科張相醫先話好靚完全100%好返. 個日如釋重負, 每年個日要去的慶祝下.

所以由10月最高峰3料, 到11月無料, 成個人輕鬆晒~~~

Kelvin哥公醫日記 | 3料BB榮升篇

IMG-20151021-WA0000
指公裂左照玩也… 2015年10月中 (近兩歲)

10, 11月對Kelvin哥(兩老)來說真是大上大落.

可能我住得太近醫院(1條天橋)唔多老黎, Kelvin哥出世無耐就一直有幾張覆診紙傍身.

一開始是太黃去驗血, 無意中心臟科醫生巡房聽到個心(可能)有個窿開始…

當日已confirm無黃疸, 之後1-2星期就book到照心ultrasound. 醫生話無見到有窿 (Kelvin哥個時細, 訓得唔好成日彈彈下, 其實未100%照足), 但可能好好好細, 主要是有輕微雜音要keep覆診, 半年1次咁上下.

心臟專科門診唔使照, 都是問下有無氣喘, 食同訓baisc野, 反而當時濕疹起得勁, 唔講以為是去睇濕疹

記得是第2-3次去心臟專科, 因什為食得訓得生長指數正常, 醫生話下次到兩歲再ultrasound confirm, 中途無事唔使睇.

所以寫紙去兒科, 約幾個月睇一睇, 其實都是問同一樣野, 醫生好open 話兒科只有1-2種藥膏(就是不同%的類固醇), 如果唔work可自己睇私家或再寫紙去皮膚科, 但因為不是勁嚴重同urgent = 有排排
都是去私家, 但醫院比左豬油膏洗白白好用, 不過都有一直睇, just in case

今年由年中到入秋, 明顯濕疹好得7788, 一直又唔覺喘仲不知幾好氣, 以為可以放得心落.

國慶假前, 仆一仆, 右腳腳指公裂左, 比ER醫生即晚"的"上骨科留醫, 好彩可以"回家度假"(張床個牌這樣寫).

正式"榮升"3料B: 心臟科 + 兒科 + 骨科