​$4.5 Shame on me?

今日超熱要返大陸出差, 6月天, 可能也要落車間…

落樓先發現無帶紙巾… 只比無帶証件好一點. 

心想去7-11比$2了事算. (太天真)

去到一dod $4.5  😨 🤑

藥房/萬寧/屈銀紙一條10-12包先$10. 
1包Tempo 收我$4.5!!! 

我神經反射同姐姐講太貴跟手放底走人. 又心想去到紅磡萬寧先買.

點知直通車個間只有一大包Tempo, 無可能手提24包紙巾出差…

叮一聲, 去女洗手間, tart左一小疊廁紙… 

但最後晚上到了酒店也無用過, 因今日都算筍差, 食足成日, 8-9成能呼吸冷氣.

又再心想, 好彩無買包$4.5 Tempo. 

P.S. 疊紙在酒店用了, 明天tart酒店面紙 😏

廣告

Declutter | 長期作戰

Declutter 是一個(艱苦的)學習過程, 使思維得以調整.

基於多年囤積及cheapskate性格, 怕因一時沖動丟了又發現要用而須重購 (Just In Case), 又或是不捨得 (Sentimental).

所以一直都是 step by step 漸進地一個位置一個位置的, 過一段時再回頭評估再清.
慢慢地進入了一個慢長苦悶沒完沒了… 直到一天完全迷失的狀態.

(所以已好一陣子沒有寫下去, 因為現實中都是很不積極).

是可以一次過去丟/ 捐/ recycle… 但(我)就是下不了手. 相信我身處的困局相信也是另不小人停手的一大原因.

剛發現原來這個慢長苦悶的過程, 不一定是浪費時間.

Youtube: Konmari vs Minimalism | Purge It All And Start Over? | Pajama Party by The Universe Guru (頭15-20分鐘)

因為如果一次性完全快速清理好, 但生活方式不變, 日後也是會一樣囤積的.

必須改變思維才是長遠對策. 而這個慢長艱苦刻骨銘心的過程剛好是一個很好的鍛鍊, 及對日後如不埋性購物的一大警醒.

以前也有聽過, 用了x年去囤積, 就要用x年去undone.
其實同減肥無異, 太容易或是不勞而獲的都是快來快去的.

短髮, 海灘, 家長

今年剪了短髮迎來了上星期六34度的碧波暢泳, 上兩年因為頭髮長, 為免於海灘極速高難度洗(乾淨個)頭都是就著游盡量唔濕頭.

加上一個冰甜西瓜, 實在是太太太爽.

食到一半, 竟有班小學生同家長的"海灘清潔大隊"落場, 頂著這天正午不下水便出汗的天氣清理灘上垃圾, 同影相 (或是在影清理灘上垃圾的相).

不知是大人定間學校有問題.

我只有大大口食西瓜, 不斷 remind 自己潔身自愛, 怪獸無涯, 阿彌托佛~~

德國爸 x 中國媽

今次去德國住的民宿家庭轉眼就認識了10年,爸爸是德國人,媽媽是中國人去德國讀完大學就落地生根,有兩個兒子,一個剛畢業,一個下年入大學。

離開前一晚本來只是say goodbye, 吹吹下水講起香港年青人現況,竟然變為"教仔研討會"。

爸爸十分看得開,兒子18歲離家讀大學基本就完全放手。相返媽媽比較著緊,不一定是中國人關係,返面因為多年stay at home 對兒子相對較attach.

但重點並不在於父母是否放手,而是有否從小訓練獨立思考能力,比如從小漸進地讓他們決定,乘擔後果同責任。

如決策權一轉移,父母只能作為consultant,從旁幫助分析,不能judge以及完全不能遊說自己觀點。這是我覺得最難的地方!!!

德國爸說就是他的經驗比兒子要多,但現時世界轉變太快,Instagram, Twitter, Whatsapp… 他後生時只有電報及傳真… 真的今日不知明天事,每一代人都有他們的困難及機遇,只有由後生的自行帶領自己的人生。

聽君一席話,勝讀十年書也。

好物 @ iHerb.com

又好一陣子無update, 上星期剛好碰到朋友原來也是iHerb常客, 不如先寫一編好物分享.

iHerb是美國直郵購物網站, 主營保健品, 個人護理, 也有食品, 洗滌, 化妝品… 最重要的是免運費! 免運費!免運費!

SF應是滿US$60 (Free shipping for orders over HK$470.42); DHL好是乎是輕還是重件 (不過如買到HK$300-400都是補$1X-$2X).

買了幾次到貨時間基本上是一樣, 心理上總覺得DHL會快小小.
但如果是寄屋企又成日無人最好是用SF, 因為SF哥哥會先打電話, 只要告知放樓下secure就ok.
DHL返而好"死姑姑"一定要先上門, 如無人便要再 re-schedule delivery (最快next day)… 不過寄公司就無所謂.

仲有! 每次落單都會有 5% Loyalty Credit, 60日內下一單直接返現用(不用Code, 會自動apply!).
記得第一單都有US$5 discount, 直接在 “apply discount code" 個box側邊就有個code, 應是新會員(?), 相信Google一下都好易會找到 dicsount code.

另外有個Reward scheme, 如有朋友透過自己的 “Rewards link"下單, 就會有 “10% Rewards credit", 我未試/ 收過, 所以"始終都有第一次"的以下都是我的Rewards link, 不喜勿進(直接入iherb 再 search by product name 便可跳過). 很好奇有無人真的會用我的 link 落單 Haha

P.S. 價格自覺合理, 請自行格價.

Natural Factors, Glucosamine Sulfate, 500 mg, 360 Capsules
老爸因膝軟骨磨損食了這個很多年, 一唔食會痛到行唔到.
** 純特強葡萄糖胺(不含軟骨素!), 是按醫生建議的份量. 比香港買的(其他品牌)平好多!

Schmidt’s Natural Deodorant, Lavender + Sage
用Natural Deodorant 已超過一年 (一直是用 Primal Pit Paste) – 即無鋁天然成份, 不過只能防汗味, 不是止汗! (但是超乎想像100%非常okay!)
剛要補貨見到iHerb有類似的就用"答"單心態一試, 非常滿意, 只是多了Sage(香草味).
如無"人肉courier"會一直在這買.

Blistex, DCT (Daily Conditioning Treatment) for Lips, SPF 20
20年前已開始用, 不用多說: 平靚正! 我只會晚上用什麼天氣都ok! (Yes, 是有SPF的, 但藍色無SPF的唔 work… 越用越乾)

Bergin Fruit and Nut Company, Diced Pineapple
Made in Thailand 成份: 菠蘿, 糖. = 放心小食!

Thayers, Alcohol Free Toner, Unscented Witch Hazel with Aloe Vera Formula, 12 fl oz (355 ml)
又是用了N支, 夏天必備爽膚水! 非常basic的一款. (是新包裝, 舊包裝的蓋是漏水的…)

其實仲有好多好多, 但以上都是用了N年或是有回購過的. 應該一定唔會介紹錯!

=> 以上都在我的購物車

大掃除 | little things make a huge difference!

今年過年計劃了好多 Home Project.
最辛苦的算是清潔地磚, 一共要分4次完工, 因為實在太太太辛苦了!

以此作記錄, 日後也可用以比較能維持到幾耐.

首先我家地磚是淺米色x啞面, 所以不易做到藏污納垢的效果 >

Little things make a huge difference! 成個feel唔同晒, 心情都好左!

Replace OR Repair?

新年又是新開始, 加上農曆年又快到, 今年下了決心要好好將屋企整頓一翻.

首先最唔順眼的是張 Sofa 墊的邊邊 – 完全唔見得人; 但用落有感情, 成張又好好地只是爛左條邊.

img_20170107_164902_hdr

上個 weekend 決定用了 Kelvin 哥一個午睡的光陰自己去換邊, 成本:
邊條 $20 – 淘的 (香港買可能唔只, 也可能無咁多色)
人工 $40 – 按 Min. wage 1 hour $32.5+++ (開衣車的都應算是初級技工, 加多少少啦)
衣車, 針, 線… $5
成為 $65~~~

上淘寶見過新墊幾ok的都不用 $60… 香港都是$90-120上下.

很難去話現家社會風氣鼓勵買新(replace)多於修理(repair). 因為是工業化的現實.

Zero Sum game 就是1和0, 誰是1誰是0, 跟現在及將來的地球先生是1是0, 好像不必然一致.

換個角度, 盡地而為吧!

要是無時間去買新的 (no eye rolling), 也盡力的重用(re-purpose), 地布?

如果真的到了最後就拿去H&M, 他們有"爛"衣回收的.

理大眼科視光學診所

事源是想要張度數紙配眼鏡, 加上從來未有很認真驗過眼.

得知理工大學有得睇見習視光師 ($200), 就去報名. 但同菲臘牙科一樣 – 有排排.
電郵回覆: 由於輪侯服務人數眾多,首次預約實習眼科視光師驗眼服務之輪侯時間約9個月或以上。

因上幾個星期右眼有少少飛蚊, 一時有一時無, 維持了約1個星期之後又無左.
以為不是十分嚴重, 就無去睇眼科醫生, 而去了理大睇視光師 ($600), 因為想要度數紙.

非常非常詳細的檢查, 記得有2個小時上下.

看了說是視網膜有少少薄, 但無穿無裂所以無即時危險, 不過都建議我去眼科 double confirm, 如有必要也可以做laser打返厚少少.

(之後眼科醫生都是這樣說, 但建議我現在可不用打除非我會玩 X-game, 所以我最後因怕死唔做, 其實都是坐著做一晚便可開眼).

講回理大, 因我有帶 contact lens 就 book 多個 after-care ($200 大約), 1個月內再返去做的.
主要睇副 con 是否 good fit – 會否因弧度不合而傷到眼角膜, 因為角膜就是有少少傷會好快好, 但長遠一定是不是健康.

當日要先戴3-4個鐘 con, 我個 outcome 幾好, 不用換.

反而學了很多, 視光師說一般 contact lens 只有 1-2個弧度, 但人人眼球唔同, 所以基本上很少人會有100% good fit 的弧度, 多是張就到最好的.

就是同一弧度, 不同牌子/ range, 也會因設計同物料不同, 也不一定fit, 只有去試.

另外, contact lens 一日只能戴最多 8-10個鐘, 因為配戴時眼球是處於缺氧狀態, 所以到了咁上下就會乾, 而香港一般返工朝9晚6已over晒.

由於我有視網膜薄的問題, 最好年年 check, 所以我下年會直接睇眼科.

但如果無咩事或轉 contact lens 我都會再去理大, 因為overall detail 好多.
要個眼科醫生 check 兩個鐘… $-$

理大眼科視光學診所

他朝君體也相同

上兩個星期日下午茶時間行過樓下屋邨麥記, 好想食個雪糕.

間o野一向都要等好耐, 更不要說是開餐時間, 仲加多班外來旅行小學生, 忙上加忙.
但都只有一條隊買, 同一條隊取, 所以由排隊到食起碼15分鐘, 效率奇低.

有個阿婆行去 counter 問要杯暖水, 後生收銀姐姐叫她要排隊, 阿婆就排取餐條隊.
到排到前面個姐姐又話水是要買o野時一齊問, “因為姐姐好忙無時間… " 跟住全體仝人ignore個阿婆…

火都黎, 因為姐姐同D水就只有一尺位, 行一步咁大把.

我想阿婆之前是無食o野只想要杯水, 更可能成日來運吉, 我唔知.

但只是杯水, 又是公家, 有何不可? 麥記成日話自己是 family friendly… (???)

要是麥記出 memo 唔比, 大可講公司話要買o野先得. No hard feeling.

用個非常唔尊重的態度, 明蝦老人家.

我也取了個新地朱古力脆, 很火的走了出去…

一路走我先發現完來是我蠢, 去要杯水比阿婆不就了事.

阿婆有水, 我也唔火 (現在也不會不好過), 姐姐也就一直做麥記.

下次要醒少少啦!!!

朝朝新鮮自家包 | Philip HD9045/30 麵包機

話說由9月開學起 Kelvin 哥早餐一般都會 request 果 jam 包, 就當然是買現成方包.

但一般買回來 (聖安娜… 等), 唔睇成份由自可, 一睇可能食唔落, 一大堆不是認知做麵包材料的東東.

但基於以往手做包的經驗, 明白不是這麼容易加上超懶, 時間也不容許平日花幾個鐘去整.

非常巧合的買了個二手但全新 Philip HD9045/30 麵包機. Keep on reading…

$12店之寶 #3 | 唔心痛眉gel

因本身眉毛多, 要用眉 gel 先可以 hold 到個型, 不致變馬田史高."西施" XD

又想當年, 眉部產品非常貧乏, 多會用 clear mascara 當眉 gel 用, 首選"水貨" Max Factor clear mascara, 用了太多支. 也 fancy 過用過 Mac tinted brow gel, 可能因選色問題不是太 impress…

Max Factor 是透明管, 用了一陣子便會因混了眉筆眉粉轉啡… 個樣很不開胃, 非常gross, 所以習慣了不會完全用完, 到了7成就差唔多開支新.

上年見$12店有這支 Made in Japan 的就試一下, 可能因要求不太高得很唔錯用, 加上$12用2,3個月換新的都唔心痛.

之後上綱原來最多人追捧的不是這支, 而是 Made in Taiwan 好似指甲油有掃頭的, say 可以防水防汗, 由於來源地加上不喜歡掃頭所以無試過無從比較, 返正覺得夠用就算, 通常太貪會得個窮 XP

img_20161205_232719
上星期三突然買5送1, 只是$10! 入了唔少貨 Yeah!

$12店之寶 #2 | 好好用眉筆

條條大路通羅馬

話說10年前去意大行出差, 因剛好接著復活節假期, 有幸可 stay behind 5-6日, 由 Venice 起步, 之後 Florence 最後 Rome 走人.

到步後聽人說 Siena 好靚, 就決定一看, 因火車到不了要再轉巴土, 前一天就打聽好大巴, 一大早由 Florence 火車站附近出發, 約一個鍾車程, 當年遊客不算多, 商業味不重, 非常好行的中古城鎮. (2009年再去已人頭湧湧.可惜…)

更發現原來很多電影都有在這取景, 包括睇了N 次的  Under the Tuscan Sun,  完全200%超出期望! (Twilight 個時未拍 ^^")

回程時見有巴土寫了 “Stazione" (火車站), 一心以為是回 Florence 或是就近火車站便上了車, 當年巴士無人查票, 就當免費巴坐(近年已不行,基本上都會查).

但坐了有15-20分鍾都無停站, 而是一直走高速, 加上一路個個路牌都是指向 Rome 方向, 是否因而有了 “All road leads to Rome" 的說法?

開始感得唔對路, 當年除了未有 Airbnb (有hostal.com), 也無 Google Map(有電話薄厚的連地圖guide book). 眼見成車都是 local 人也有不少上了年紀… 不要寄望會英文, 見車尾坐了位最後生的, 也經過一輪指手畫腳都是不知道要去哪, 只說最後會去 “Stazione", 也快到, 都好不是真的要開到Rome.

全程車可能有1個小時, 但因超緊張好似坐了成個世紀.

最後停在一個很舊很細的火車站, 也買到火車票回 Florence 的 B&B, 非常有驚無險完成當日行程.

總覺得無計劃亦無任何期望的行程才是最好玩! 反正 All road leads to Rome 😉

My Princess | 直立式蒸氣掛燙機

img_20161127_145512-collage
Winter “uniform"

古語有云 If you take care of things they’ll take care of you!

同一件衫, 有燙過同無可以是十萬九千丈遠.

但用燙斗,燙衫板感覺好大工程, 好易會的唔起心肝.

掛燙機就無須"開檔", 只要插電加一按就得, 大大的推動了我.

自從 Kelvin哥返學, 只買了一套校服(星期1, 3, 5)同一套運動服(星期2, 4).
因都是著o個3個鐘放學即換衫, 加上學校都有冷氣, 所以都是 weekend 機洗一次, 有需要spot clean, 或手洗(好是旦o個種), 但每次著前都會過蒸燙一次.

由9月到而家轉了冬季校服, 都是同樣一套ok.
返正只著幾個月又會轉回夏季, 暑假返來都唔知仲著唔著得返 (當然希望要買新!)

返正都開了機, 我自己的, 也試過有時間連 T-shirt 都燙幾下, 真的有差!

但如果要求非常筆直的都是要用燙斗, 我返而覺得8-9成直唔會太刻意同 over-done.

所以入手有十年的 Princess (就算早年多處冬眠) 現已回本.

現年市面多了得多選擇, $300-500都有, 但最好是買有個架的, 放便好多.
手提的(因為要入水)會較重同好快因漏水等問題死機的(之前用過怕怕).

相信是云云買過的非必要電器中最實用首選.

Thanks (no thanks!!!) and GIVING!

美國傳統的感恩節, 其中的Black Friday 今年殺到香港!不少商家錯機做生意.

回想做女消費物慾強的年代, 一見到Sogo Yata Thanks Giving,  份傳單會好似馬經咁’咪’.

現家, 未開場份野已recycled.

只要弄清楚是有需要而去買, 定是因少少jetso (實際未必然)而另自己去需要. 便會心裏也有數.

今年Thanks Giving, 雙11… 入手 = 0

不過這幾天返風, 都有小出血買左o野比長老同Kelvin哥.

Giving為上策也.

待續