住酒店哲學

住酒店對小朋友嚟講既興奮又開心, 好多新奇嘢 包括酒店嘅牙膏牙刷沐浴露洗頭水, 迷你得意, 包裝精美, 所以每次住酒店全部都會打包返屋企.

大個了又覺得反正免費下次又可以用來旅行, 但係其實次次住酒店都會有供應, 跟本用不著, 一段時間之後屋企就會有一大堆…

自此之後, 已好一段時間, 基本上都唔會掂, 因為實在太浪費全部都係一次性, 除咗酒店嘅水, 紙巾, 一兩條抹手嘅毛巾, 就算住一個星期所有嘢都原封不動,去一次外地碳足印已經超標, 可免則免希望盡量減少浪費.

另外, 有啲酒店基本上咩都唔會畀, 有需要再問佢哋. 一定是純非商業考慮, 聽起來會覺得佢哋縮骨, 但我非常讚好, 因為好多人都好似我以前咁無聊, 最後又係拎去堆填. 無任歡迎酒店的做法!

極簡生活體現 #1

年前同同事做 review, 大家也剛好都有一個年齡相約的仔, 就被問了好幾次為什麼我都愛以小朋友去舉例子.

我直接的回答: 因為我的生活就是環繞著我個仔.

這無疑是沉悶師奶生活極簡生活體現.

現在覺得不需要為人家眼光多做一些對自己多餘的事情, 也不會為一些自己不為所以的事感到尷尬.

So close!!! 差少少就…

( 前兩日先話忙… 哈哈,寫到就寫啦)

近排真的忙, 但越忙越有壓力就越手痕想去買嘢.

以前香港都有唔少Subscription box – 就係一個月畀一定嘅錢去買一盒你唔知將會收到係咩嘅嘢, minimalism真係差十條街.

我自知係一個bargain shopper, 為左覺得有錢賺而去買嗰種.

前兩日唔住誘惑Sign-up咗fabfitfun個 winter box成為US$40蚊 (港紙三百幾) 導火線就係我見到入面有一支 Kate Somerville 嘅 ExfoliKate (US$75!!)一嚟未試過個牌子好想試, 又好著數咁.

直到今朝突然醒覺, 覺得我根本唔需要其他去角質產品, 而對於將會收到一堆我唔知係咩嘅嘢, 我已經可以幻想到去處理嗰陣時嘅壓力同時間分分鐘(絕對)畀我去買個盒嘅錢要多.

而近排我又有幾樣嘢想買, 都係我覺得實用同日日用到嘅, 與其洗錢去買啲唔知咩, 點解唔直接買我想要嘅嘢呢??

所以我決定狠狠地去取消佢.

真係不幸中之大幸, 好險好險執番身彩, 真係唔好有下次( 一額汗中).

fabfitfun

fabfitfun_kate

 

 

 

Declutter | 長期作戰

Declutter 是一個(艱苦的)學習過程, 使思維得以調整.

基於多年囤積及cheapskate性格, 怕因一時沖動丟了又發現要用而須重購 (Just In Case), 又或是不捨得 (Sentimental).

所以一直都是 step by step 漸進地一個位置一個位置的, 過一段時再回頭評估再清.
慢慢地進入了一個慢長苦悶沒完沒了… 直到一天完全迷失的狀態.

繼續閱讀 “Declutter | 長期作戰"