偽環保包裝

而家除咗興藝(偽)文青, 仲好興偽環保概念 Greenwashing – 其中有一種表演型式就是什麼東東都用(牛皮)紙包裝.

對! 以環保概念紙張絕對比塑料為優勝, 但由於牛皮紙唔防水, 所以好多時牛皮紙包裝都會有一層塑膠coating, 而這一類hybrid合成料基於成本及現時回收技術等問題, 係不能回收循環再用的!

所以相比透明膠包裝, 如食物盒, PET膠樽… 相對而言有coating紙張包裝反而更加唔環保!
即是說如果餐廳用一次性膠杯係會畀用有coating紙杯理論上更環保.
(但要假設所有人都會將可回收物料去回收).

我不是專家, 但日常生活留意到不少品牌因為想將自己看來更環保, 不敢犧牲根本嘅原則, 為看來環保而不環保… 要學Kelvin哥講句: “我好angry!"

希望現時消費者喺呢一方面多啲研究, 買到好用好食又合乎環保原則嘅嘢!

廣告

富亨大笪地 x Law of Attraction?

上星期六終於嚟到富亨大笪地, 主要是擺低"收藏"好一段時間不同總類廢膠, 尤其是紙包飲品/ 牛奶盒同埋發泡膠/ 生果網, 這類在大埔塑膠回收棧暫未收.
因為現時3色回收箱只收透明PET樽, 其他嘅膠都會被當廢物處理.

我之前兩次都係去大埔社區學堂的尋埔活動, 每兩個星期六一次, 但要去到太和橋.
上次有個義工見我咁遠行到辛水辛汗過嚟, 同我講原來富亨都有這個活動 – 富亨大笪地, 但就只係每個月第一個星期六一次.

當日應該因為大雨, 只有小貓三四隻, 今次除咗回收, 仲放低唔少屋企零碎嘅嘢, Kelvin 哥都執咗啲唔玩嘅拼圖出嚟, 確實係畀響 Facebook Group 逐件逐件咁 post 有效率好多.

因為要氹 Kelvin 哥花"寶貴"的時間同我去回收, 同時都鼓勵參興這類活動, 我同佢講你今日執咗啲嘢拎出去, 亦有其他人會攞啲唔要嘅書或者玩具出去, 如果啱用就可以攞返屋企㗎啦. (查實我都冇咩期望, 因為一般去到太和橋都係以家品為主).

喺我分類回收嘅同時, Kelvin 哥眼甘甘望住枱上面有隻毛毛狗, 我一望就知係響大埔廣場阿伯擺檔賣嗰隻青光眼電動狗, Kelvin 哥次次行過都望到實一實, 但基於實在冇咩用途(3分鍾熱度類別玩具)所以通常都係行過望下就算.

可能佢次次都喺度望, 根據 Law of Attraction 隻狗仔終於去到佢身邊!!!
既然今次真係緣分到, 就帶咗隻狗仔返屋企, 我又同佢講下個月又會有一次, 我哋得閒執下屋企啲嘢有用唔著就攞出去分享, 或者其他人都會有啲你有興趣嘅嘢同你分享㗎, 希望可以成功帶佢入會.

我覺得如果每人只會攞自己有用有需要嘅嘢, 其實個概念係好好, 當然如果佢自己係貪心或者攞啲嘢去買, 我亦覺得冇問題, 只要將啲唔同嘅嘢放喺會用嘅人手上, 無論係攞返去或者畀錢買, 物盡其用就係一件好事.

各區應該都有類似活動, 有興趣可以體驗吓又或者當回收日又得.

P.S. 個活動完咗返到屋企, 響 Facebook Group 見到有人 post 自己去咗個活動, 睇返啲相應該係前後腳響我哋之前去咗. 見 icon 個樣有啲熟口面, click 入去原來係 Kelvin 哥 K2班主任, 世界真細小!

IMG_20180901_150524
halloween 必備 – 青光眼吠吠狗~~~

李小龍的創發

武 ‧ 藝 ‧ 人生 ─ 李小龍

8月29日星期三是結婚9周年, 原本打算"蛇"去食個lunch再去睇數碼敦煌.

一入到去文化博物館就聽到廣播: “武藝人生李小龍公眾導賞服務於3時開始", 知道李小龍展覽有限期加上導賞要撞啱時間, 返而數碼敦煌幾時都可以再睇, 所以就去排隊. 點知我哋兩個包團! (好彩之後都有幾個人加入, 不然好似有點唔好意思, 因為如無人參加相信個導賞員可抖吓)

之前都走馬看花地睇過李小龍展覽, 但這次導賞的收穫係意想不到, 因為有非常多細節自己是不易睇(想)得出, 又或是完全冇介紹. 最估唔到除咗雙截棍唔係李小龍自創而係同徒弟學, 原來佢傳奇嘅一生由出世前已經開始.

時下成日話成功靠父幹, 原來李小龍嘅成功, 其家庭背景確實做就了唔少機遇. 當然唔係話有背景先可以成功, 但以佢喺香港拍咗四套半電影而有今時今日嘅地位, 機遇是好重要的.

有冇諗過原來李小龍母親有1/2荷蘭血統 , 她姓, 而這個可不是一般的何, 而是澳門何氏個何! 仔細睇下母親張相, 真係有少少"何超"嘅輪廓同感覺.
爸爸係粵劇界有舉足輕重嘅地位, 要不然點會細細個就拍咗廿幾套粵語長片.
因為家底背景, 一路讀書圈子嘅同學仔有黃霑, 許冠文… 等等個個尖子才子!
(仲有太多細節, 以及李小龍跟何氏關係等等, 請勿錯過導賞員精彩嘅講解!)

回過頭來, 相對我呢啲白紙家庭話要比小朋友最好, 確實有點無力.

但無論如何, 這些都只提供了機遇, 真正的成功確實是李小龍憑著自己努力嘅成果, 他絕對值得有咁嘅地位. 否則只會係一個有背景嘅二世祖.

同時亦令我諗起張國榮 Madonna… 等等, 不管我哋成日覺得入娛樂圈嘅人唔三唔四 (起碼我自己覺得係), 但佢哋都好有實力加上極努力, 可能學歷仲好高添. 令我反省到書真係要讀好, 因為之後真的未必有這個機會.

讀咗個醫生律師可以去掃街揸巴士, 但係反轉嘅難度應該會高好多, 甚至未必可行.
我不覺得自己是悲觀只是接受現實, 無論如何, 大家一齊努力為自己將來加油!

P.S. 因為寫 Blog 查下個 website 先知道原來導賞一至五只有逢星期三 3-4PM 1節, 真係飛機撞紙鷂 – 緣分到!

香港文化博物館
武‧藝‧人生 — 李小龍
公眾導賞服務
即日至2020年7月20日
中午12時至下午1時及下午3時至4時(逢星期六、日及公眾假期)
下午3時至4時(逢星期三)

TV: Mad Men

雖然是舊片, 但也想寫一下, 喜歡60年代華麗復古風必睇.

只是到了第3季後有點失望, 因為 Don Draper 變左 James Bond (床劇多及感覺有點不必要).
明白是電視劇, 但也覺得有點離地…

Anyway, 已入了劇真的很難出來, 現在正"努力地"完成-ing第5季, 一季一季地"煲"無疑實在太太太爽, 比一集集去追差太遠, 出差上機非常推介.

由於明白自控力差, 自 Kelvin 哥出世我已無(時間)再睇.
今年年頭終於完成了 Drop Dead Diva | NetflixGossip Girl | Netflix, 算是還了心願.

Mad Men | Netflix 之後, 只餘下 Desperate Housewives, 可惜Netflix無…

瑞士人工作哲學

Duesseldorf 2008
Duesseldorf 2008

今時今日唔再講 work life balance, 而是要講求工作生活一體化.

與其說工作是生活嘅一部分, 不如話係佔日常清醒時間嘅大部分, 所以根本好難去分, 喺香港要完全分開工作及生活, 相信大部分人也不會有“生活”.

幾年前遇到一間瑞士公司, 大部分職員都是年過半百, 員工平均年齡差唔多係我哋公司嘅兩倍.

傾談間好奇地問咗一位比較年長的:你哋退休年齡係幾多.

佢哋就笑左笑話, 我哋係冇退休嘅, 直至一日瞓低咗再起唔番身就係真正退休嘅時間.

突然間我恍然大悟, 與其逃避工作不如盡量去享受成為生活嘅一部分.

P.S. 當然前提是要找到一份自己喜歡亦可以享受嘅工作.

小朋友用嘅密實袋 Ziploc Slider Easy Zipper S

Kelvin哥學校每星期有一日會提供熱食茶點, 例如粟米肉碎粥, 餃子等. 以訓練小朋友自理.

記得入學時候校長話要買有拉鏈頭嘅密實袋, 因為小朋友手指未完全發育, 用一般黃加藍變綠嘅會鎖唔實, 亦可能未夠力打開.

一包20隻用到差唔多一年, 踏入K2下學期尾聲剛入了第3盒, 相信亦會係最後一盒 (時光飛逝有點感嘆).

中號(S), 放到一隻碗匙羹同叉非常鬆動.

相信亦非常適合老人家用.

唯一缺點係價錢…. 百佳$26.9 (20個), 同宜家傢俬的無得比.

Get good plastic: Not all plastics can be recycled equally

Plastic always got a bad rap.

In fact, some plastic is more environmentally friendlier than others.

Take for example clear PET bottles, this is universally recyclable. Even in Hong Kong.

And I have noticed my recent habit of taking snacks to work that consumes quite a bit of plastic food wraps daily, and those are clearly nonrecyclable.

Also, I have a tendency to use plastic bag for food preserve purpose, even for something really small (and in fact not make sense to have a bag wasted), that also creates a lot of burden for Mr. Earth.

For that, I decided to get few plastic containers which I have not done for many years, and use them intentionally to replace the plastic food wrap and bag. And at the end, I can have them recycle toi. Win-win😉

It turns out to be a hit for my family and a great success!

Happy to know the trio from Ikea is well enough for the rotation, combining with few glass containers that already own.

Ironically, it might probably be one of the best household purchase in 2018.