咁易呃咩?!

前兩晚Kelvin哥訓左就偷偷地去食豬肉乾, 點知食到一半Kelvin哥衝出來要去廁所… 當場捕獲…

媽: 辣的, 你唔食, 我咩食O羅. (🙄神經反射答案)
仔: (望著個包裝袋) 蜜-汁-豬-肉-乾…蜜汁唔會好辣啦, 我都應該O岩食wow 😏
媽: 好! 留返聽日你試下食唔食到. (😥好大滴汗…)

仲有兩個月就5歲, 仲邊有咁易呃.😅

IMG-20180812-WA0001
K2 暑期新玩具 – 轉波單車
廣告

濕疹路 Part 5

Part 1
Part 2
Part 3
Part 4

轉眼已是1年有多, Kelvin哥剛好4歲半.

續 Part 4, 即前年2016年10月(3歲生日)打完流感針到2017農曆年都勉強OK, 時不時有鼻水, 但都總算頂得住.

就是2017農曆年後春夏之間一共入了3次醫院, 都是因為傷風感冒引發的"氣管敏感", 公家醫院唔同醫生睇, 說法也不一, 有說是氣管敏感, 有說是哮喘…

頭兩次入去都是用一般氣管擴張劑(藍色) + 類固醇(啡色), 出了院幾日就可以停.
都有買個小熊吸藥輔助器.

到第三次入去時發作好急, 要入"私家"房, 因為要用霧化機吸藥.
出院後要長期用類固醇(啡色), 頭幾個月早晚, 覆診後減到一日一次.

小朋友入院, 除了擔心, 爸爸就最甘因為要"伴瞓".

一直出出入入, 期間返學(K1下學期)一直做口罩人…

K1暑假後開始非常努力運動, 夏天去游(玩)水, 冬天單車(未到4歲就不用輔助輪).
基本上1-5日日都有運動(最少都有3/4日), 六或日加強版!

18年農曆年期間覆診, 醫生說可停, 但我們自己提出保障D過了個春天先, 下次6月覆診應會完全停藥.

現在一年之後的春夏, K2也只餘2個多月的時間, 未有請過一日病假 (touch wood).
就是2018年農曆年的乙型流感, 同班同組(枱)有兩個同學中左(1個坐旁邊, 1個坐對面)都大步檻過.

所以證實運動最重要!!!

2018年6月覆診之後再UPDATE, 希望將會是最後一篇.

新年大禮 ↣ 戒尿片

K1-9月入學前戒日片. 晚上一直有用. 現時K2上學期未.

入冬後, 沖完涼都在洗手間著埋衫先入房瞓.

上2個月(12月尾有一晚半夜濕醒先知入房後唔記得同佢著片…)

1月1日晚上又唔記得 =>

收工一入屋, Kelvin哥就同我講今晚開始唔著片, 因為爸爸今朝讚佢好叻琴晚無片都唔濕, 大個仔!
(心想: 要賭…)

到咗沖涼前就問老公不如半夜偷偷雞著返條片穩陣啲(怕凍親).
老公就話要信個仔… (心想: 一晚好彩唔代表真係戒到, 唔知第二晚會唔會又咁好彩)

所以1月2號嗰晚我瞓一兩個鐘就會彈起身, 摸下有冇濕, 點知真係冇濕.
咁又過咗一個星期, 就買咗個蛋糕慶祝下.

到現在二月頭剛好一整月, 其間只有2次意外:
1) 晚上9點半後飲水(出街唔記得時間)
2) 晚上飲左涼茶

唯一要注意的是晚上8點前(早遲8:30飯水), 之後最多1-2啖.

期實夏未Kelvin哥有自己提出唔著片, 約定好如3晚無濕可以唔著, 但試了好多晚半夜完全叫佢唔醒. 所以覺得未係時候. (但其實我們同時無留意, 慣性訓前一杯水… )

現在我們半夜完全唔會叫佢去洗手間, 間中佢會自己起身叫要去.

呢個世界就係好奇怪, 無心插柳.

記得之前兩歲咁上下戒奶嘴, 趁佢病嗰日食咗藥, 眼瞓瞓扭兩扭就瞓咗, 過咗兩日就咁戒咗.

有啲嘢真係急唔嚟, 由佢咁簡單成功左仲好.

Trouble 2 x 2

朋友兒子剛2歲,說是Trouble 2 階段。

但我返而覺得現在4歲(K2)才是目前為止我認為最 challenging 的時候(初生除外)。

長大是技能的不斷累積。

用時也獲得經驗,對自我認同及自信。

由爬到行是o到1,基數细自然進步神速和單純。

記得K1時在校非常內向,老師千叮萬囑叫我去報playground 加強社交力,就是我不為所動,現在K2一到遊樂場就會同其他小朋友吹水同玩 。(到達前會用問題式提示 e.g. 唔知多唔多小朋友一齊玩呢?)

=長大

所謂易學難精,往後都只會越深層次(當然相對食飯去洗手間😆)。

情緒為主,不斷試探底線,唔輸得(自信)。。。

如果要我劃線,4歲是我作家長腦力上要3秒極速開turbo的時期。

P.s. 希望死細胞的同時可以防老人痴呆🤣

4Y2M “Trouble" Superman